Styrktarsjóður BSRB

FOS-Vest er aðili að Styrktarsjóði BSRB. Allar upplýsingar um umsóknir eru gefnar upp á skrifstofu styrktarsjóðsins í síma 525-8380.

 

Sjóðurinn greiðir bætur til sjóðfélaga í slysa- og veikindatilfellum eftir því sem nánar er mælt fyrir í reglum sjóðsins. Sjóðurinn styrkir einnig fyrirbyggjandi aðgerðir á sviði heilsueflingar og forvarnir gegn sjúkdómum.

 

Styrktarsjóður BSRB hefur nú tekið upp rafrænt umsóknarkerfi. Allir þeir sem hyggjast sækja um styrk hjá sjóðnum eru nú beðnir að fylla út rafrænt umsóknarform á heimasíðu sjóðsins. Hægt er að komast inn á þetta form með því að smella á hnappinn "Sækja um í Styrktarsjóð BSRB" sem ætti að vera sýnilegur vinstra megin á forsíðunni. Einnig er linkur að síðunni hér að neðan:

http://styrktarsjodur.bsrb.is/forsida/

 

Ferlið gengur nú þannig fyrir sig að umsóknarformið skal fyllt út á heimasíðu Styrktarsjóðsins. Í kjölfarið fær umsækjandi úthlutað umsóknarnúmeri. Þá þarf að skila inn reikningum sem sótt er um styrk vegna. Umsækjendur eru beðnir að merkja reikningana með umsóknarnúmerinu sem þeir fá útlhutað eftir að hafa fyllt út formið.

Hægt er að senda reikninga í pósti eða koma með þá staðinn. Séu reikningar póstlagðir skal merkja þá á eftirfarandi hátt:

Styrktarsjóður BSRB
Grettisgötu 89
105 Reykjavík

 

Fyrir þá sem enn kjósa að sækja um upp á gamla móðinn, þ.e. prenta út umsóknareyðublað og fylla það út þá verður umsóknareyðublaðið enn aðgengilegt undir flipanum "Eyðublöð". Þó er stefnan sett á að árið 2013 verði allar umsóknir rafrænar. 

Umsóknareyðublað má nálgast hér:

http://styrktarsjodur.bsrb.is/files/Umsoknareydublad_1006919232.pdf

Athugið að frumrit reikninga þurfa að fylgja með umsóknum. Farið vel yfir úthlutunarreglur sjóðsins. 

 

Úthlutunarreglur

Styrkir úr sjóðnum greiðast mánaðarlega.
Umsókn skal hafa borist skrifstofu sjóðsins eða hafa verið póstlögð áður en 12 mánuðir eru liðnir frá því að réttur til greiðslu stofnaðist. Umsókn skal skilað inn fyrir 15. hvers mánaðar. Að jafnaði er þá greitt út síðasta dag hvers mánaðar eða næsta virka dag á eftir. Með umsóknum skulu fylgja öll gögn sem sjóðstjórn telur nauðsynleg hverju sinni. Úthlutunarreglur Styrktarsjóðs BSRB má nálgast hér:

http://styrktarsjodur.bsrb.is/files/net2260.20_838596882.pdf

Vefumsjón