FOS Vest FOS Vest | mánudagurinn 3. nóvember 2008

Fólk hvatt til að greiða félagsgjöld stéttarfélaga

Fólk hvatt til að greiða félagsgjöld stéttarfélaga

Með því að greiða félagsgjald til stéttarfélaga þegar sótt er um atvinnuleysisbætur eða greiðslur í fæðingarorlofi heldur viðkomandi ýmsum réttindum hjá félaginu.

„Þegar sótt er um atvinnuleysisbætur eða greiðslur í fæðingarorlofi, er þér í sjálfsvald sett hvort þú greiðir félagsgjald til stéttarfélags þíns eða ekki.

Með því að greiða félagsgjaldið viðheldur þú ýmsum réttindum þínum hjá félaginu.
Þegar sótt er um atvinnuleysisbætur eða greiðslur í fæðingarorlofi fyllir þú út umsóknareyðublað um greiðslu úr Fæðingarorlofssjóði eða hjá Atvinnuleysistryggingasjóði. Þá þarf að merkja við að þú viljir að félagsgjöld séu dregin af viðkomandi greiðslum. Með því að greiða ekki félagsgjald tapast ýmis mikilvæg réttindi".

FOS Vest FOS Vest | föstudagurinn 10. október 2008

Námskeið. úr mínus í plús.

FOS Vest FOS Vest | fimmtudagurinn 2. október 2008

Er gagn af starfsmannastefnum ríkisstofnana?

Fyrirlestur Ómars H. Kristmundssonar, dósent í stjórnmálafræði við Háskóla Íslands - Er gagn af starfsmannastefnum ríkisstofnana?

Æ fleiri fyrirtæki og stofnanir á Íslandi setja sér skriflega starfsmannastefnu. Fram að þessu hafa litlar upplýsingar verið fyrirliggjandi um hvernig staðið er að mótun og framkvæmd slíkrar stefnu - og um hugsanleg áhrif hennar.
Í rannsókn á starfsumhverfi ríkisstarfsmanna sem fram fór 2006 og 2007 og um tíu þúsund starfsmenn tóku þátt, bæði stjórnendur og aðrir starfsmenn, var kannað hve margar ríkisstofnanir eru með skriflega starfsmannastefnu, hvernig hefði verið staðið að undirbúningi hennar og hvort og þá hvernig henni væri framfylgt. Í fyrirlestrinum verður farið yfir helstu niðurstöður og reynt að svara á grundvelli þeirra hvaða þættir það eru sem áhrif hafa á gagnsemi starfsmannastefna.

Fyrirlesturinn verður á morgun 3. okt. í Háskóla Íslands, Odda, stofu 101 kl. 12-13.

FOS Vest FOS Vest | föstudagurinn 26. september 2008

Kynningarfundir um ný skólalög og nýja menntastefnu.

Kynningarfundir um ný skólalög og nýja menntastefnu
Menntamálaráðuneytið og Samband íslenskra sveitarfélaga standa fyrir kynningarfundum um ný skólalög og nýja menntastefnu í öllum landshlutum.
Ný lög um leik-, grunn- og framhaldsskóla ásamt lögum um menntun og ráðningu kennara og skólastjóra voru samþykkt á Alþingi í vor og hafa tekið gildi.
Ný menntastefna (www.nymenntastefna.is) er boðuð með nýjum lögum og fylgja henni margháttaðar breytingar og ný verkefni fyrir sveitarfélög. Menntamálaráðuneytið og Samband íslenskra sveitarfélaga tóku ákvörðun um að halda sameiginlega kynningarfundi um land allt þar sem nýju lögin eru til umræðu og áhrif þeirra á skólahald sveitarfélaga.
Sjá nánar

http://www.samband.is/news.asp?id=369&news_id=1344&type=one

FOS Vest FOS Vest | föstudagurinn 19. september 2008

ný námskeið komin inn.

FOS Vest FOS Vest | föstudagurinn 19. september 2008

Málþing um eldri starfsmenn

Geta eldri starfsmenn verið lykillinn að velgengni fyrirtækja? Þessi spurning verður rædd og reifuð á málþingi á vegum Verkefnisstjórnar 50+ sem haldið verður í Ketilshúsi á Akureyri fimmtudaginn 25. september milli klukkan 13 og 16.

Jóhanna Sigurðardóttir félagsmálaráðherra mun ávarpa málþingið og fjölmörg erindi verða flutt. Ráðstefnustjóri er Kristín Ástgeirsdóttir.

Sjá nánar um dagskrá málþingsins HÉR.

FOS Vest FOS Vest | fimmtudagurinn 11. september 2008

Minnum á aðalfund félagsins 14.september n.k. kl.15:00

Boðun til aðalfundar

Aðalfundur Félags opinberra starfsmanna á Vestfjörðum verður haldinn á Hótel Ísafirði þann 14.september n.k. kl. 15:00.

Dagskrá aðalfundar er venjuleg aðalfundarstörf samkvæmt lögum félagsins.

Ársreikningur félagsins fyrir árið 2007, skýrsla stjórnar og skýrsla endurskoðenda liggja frammi á skrifstofu félagsins til fundardags.

Kaffiveitingar.


Kveðja Stjórnin.

Opinn fyrirlestur í Odda nk. laugardag kl. 11.00- 12.00 og umræður í kjölfarið um samfélagssýn og gildi Thomas Jefferson höfundar sjálfstæðisyfirlýsingar Bandaríkjanna:
“Thomas Jefferson Today”


Kæri viðtakandi,
Með þessu bréfi viljum við bjóða þér nk. laugardag kl. 11- til ca. 13.00 á fyrirlestur Eric Petersen um samfélagssýn og gildi Thomas Jeffersons, þriðja forseta Bandaríkjanna og höfund sjálfstæðisyfirlýsingar Bandaríkjanna.
Fyrirlesturinn, sem er öllum opinn, fer fram í Odda, Háskóla Íslands, stofu 101. Fundinum stýrir dr. Herdís Þorgeirsdóttir prófessor Viðsk.háskólanum á Bifröst. Að loknum fyrirlestrinum mun Eric Peterson, ásamt Herdísi, Jóni Baldvin Hannibalsson fv. utanríkisráðherra ofl. ræða hugmyndaarfleifð Thomas Jefferson, auk þess sem fyrirlesarinn mun svara fyrirspurnum. Á undan fyrirlestrinum bjóðum við upp á kaffi og meðlæti í anddyri Odda frá kl. 10.30.
Fyrirlesturinn ber yfirskriftina“Thomas Jefferson Today”. Í aðdraganda forsetakosninganna í Ameríku er áhugavert að fjalla um sýn Thomas Jeffersons, höfundar sjálfstæðisyfirlýsingar Bandaríkjanna, á lýðræði, umburðarlyndi og mannréttindi og leitast við að svara þeirri spurningu hvort og hvernig sýn hans eigi erindi við okkar samtíma.
Thomas Jefferson er af mörgum álitinn einn merkasti hugsuður Bandaríkjanna um þjóðfélagsmál og að skoðanir hans eigi að fullt erindi inn í samtímann. Fræg eru ummæli John F. Kennedys þegar hann tók á móti hópi Nóbelsverðlaunahafa í kvöldverðarboð í Hvíta Húsinu þar sem hann sagði: “Ég held að það hafi ekki verið meira mannvit hér saman komið, síðan Thomas Jefferson borðaðihér einn”Fyrirlesarinn Eric Petersen er lögfræðingur og hann varði yfir 10 árum í að fara yfir ræður, skjöl og meira en 20.000 bréf Thomas Jeffersons áður en hann tók saman bókina “Light and Liberty, Reflections on the Pursuit of Happiness” þar sem hugsun Jefferson er sett fram með orðum hans sjálfs. Þessi bók hefur fengið einkar góðar viðtökur og einróma lof gagnrýnenda. Erik Petersen hefur á liðnum árum haldið fjölda fyrirlestra um Jefferson og efni bókar sinnar.
Við vonum að þú sjáir þér fært að mæta.
Með góðri kveðju,
Hópur áhugafólks um Thomas Jefferson,
Stofnun stjórnsýslufræða og stjórnmála við Háskóla Íslands,
Sendiráð Bandaríkjanna á Íslandi.

Eldri færslur
Vefumsjón