skrifstofan lokuð vegna sumarleyfa

skrifstofan lokuð vegna sumarleyfa

Skrifstofan verður lokuð 2. - 30. júní að báðum dögum meðtöldum vegna sumarleyfis starfsmanns.

Beðist er velvirðingar á þeim óþægindum sem þetta kann að valda.

Ef erindið er brýnt er hægt að senda tölvupóst á netfangið fosvest@fosvest.is

eða hringja í síma 857 7507 á milli kl.16.00 og 18.00 á virkum dögum

og svo má auðvitað alltaf hafa samband í gegn um spjallið.

Samkomulag um sameiningu F.O.S.Vest og Kjalar

Samkomulag um sameiningu F.O.S.Vest og Kjalar

Aðalfundur Félags opinberra starfsmanna á Vestfjörðum (F.O.S.Vest)  var haldinn í dag, 31.maí 2021. Fyrir utan venjuleg aðalfundarstörf voru kynnt drög að samkomulagi um sameiningu F.O.S.Vest og Kjalar stéttarfélags starfsmanna í almannaþjónustu. 

Aðalfundurinn samþykkti einróma heimild til formanns F.O.S.Vest um að undirrita samkomulagið og að fresta aðalfundi fram í október þar sem kosið verður endanlega um sameiningu félaganna að undangenginni kynningu og samtali við félagsmenn.

Ef af sameiningu félaganna verður munu félagsmenn F.O.S.Vest njóta bættrar þjónustu t.d. varðandi réttindagæslu, fræðslumál, rafræna þjónustu og orlofsbústaðamál auk þess sem sameinað félag verður öflugri viðsemjandi um kaup og kjör.

Gert er ráð fyrir að skrifstofa verði áfram á Ísafirði og starfsemi hennar verði í nánu samstarfi við aðrar skrifstofur Kjalar.

Aðalfundur Félags opinberra starfsmanna á Vestfjörðum, F.O.S.Vest

Aðalfundur Félags opinberra starfsmanna á Vestfjörðum, F.O.S.Vest

 

Aðalfundur Félags opinberra starfsmanna á Vestfjörðum, F.O.S.Vest, verður haldinn á skrifstofu félagsins 31. maí 2021 kl. 20:00.

Gerð hefur verið sú breyting á áður auglýstri dagskrá aðalfundar að tillaga stjórnar um að fresta aðalfundi og að framhaldsaðalfundur  verði haldinn fyrir 31. október 2021 verður borin fram að loknum hefðbundnum aðalfundarstörfum samkvæmt lögum félagsins.

Einnig verður hægt að taka þátt í fundinum í gegnum fjarfundakerfið Zoom. Vefslóð til að tengjast fundinum hefur verið send félagsmönnum í tölvupósti.

Tilkynna þarf þátttöku á fundinum til skrifstofu félagsins í síma 456-4407 eða í tölvupósti á netfangið fosvest@fosvest.is. 

Vinsamlegast hafið í huga samkomutakmarkanir og nálægðarmörk sem í gildi eru þegar fundurinn fer fram.

Mælt er með að þeir sem ætla sér að taka þátt í fjarfundi tengist inn á fundinn 15 mínútur fyrir auglýstan fundartíma.

 

 

 

Berjumst áfram fyrir betri lífskjörum á 1. maí

Berjumst áfram fyrir betri lífskjörum á 1. maí

Annað árið í röð verða ekki hátíðarhöld vegna 1. maí. Það breytir því hinsvegar ekki að 1.maí er og verður baráttudagur launafólks. Annað árið í röð standa heildarsamtök launafólks saman að metnaðarfullri skemmti- og baráttudagskrá í Sjónvarpinu. 

Taktu þátt með því að skrá þig á viðburðinn.

Undanfarið ár hefur svo sannarlega verið viðburðarríkt. Í kjarasamningum, sem gerðir voru á síðasta ári, náðist stórt skref í áttina að styttingu vinnutíma hjá stéttarfélögum innan BSRB. Árangurinn náðist með mikilli samstöðu félagana og frábæru starfi BSRB.

Stytting vinnutíma í dagvinnu tók gildi 1. janúar síðastliðin. Misjafnt er hvaða útfærslur voru notaðar á vinnustöðum þar sem aðstæður eru mismunandi. Það sem var erfiðast í framkvæmd var fyrirkomulag neysluhléa. Í nýlegri samantekt kom í ljós að hjá langflestum ríkisstofnunum var valin sú leið að neysluhlé eru hluti af vinnutímanum og styttingin annaðhvort vikuleg eða hálfsmánaðarleg. Þannig næst hámarksstytting í 36 stundir á viku.

Á okkar baráttudegi mun stytting vaktavinnufólks taka gildi. Gert er ráð fyrir ákveðnu ferli við að útfæra styttinguna á hverjum vinnustað sem er útskýrt ákaflega vel á vefsíðunni Betri vinnutími. Einnig eru myndbönd sem útskýra málið myndrænt á Betrivinnutimi - YouTube. Ef styttingin á þínum vinnustað er ekki komin á hreint kynntu þér þá þessar upplýsingar.

 

 

Það er mín skoðun að vinnutímastyttingin muni áfram verða baráttumál í næstu kjarasamningum. Tryggja þarf öllum launþegum hámarksstyttingu í 36 stundir og að neysluhlé verði sjálfsagður hluti af vinnutímanum. 

Í síðustu kjarasamningum við sveitarfélögin var ákveðið að stofna félagsmannasjóð sem fengi 1.24% af heildarlaunum starfsmanna til að úthluta eftir starfshlutfalli einu sinni á ári. Úr varð félagsmannasjóðurinn Katla. Framkvæmdin reyndist erfiðari og flóknari en gert var ráð fyrir af ýmsum orsökum en gert er ráð fyrir að greitt verði úr sjóðnum í fyrsta sinn fyrir 30. apríl.

Starfsemi F.O.S.Vest undanfarið ár hefur litast af vinnutímastyttingunni, Covid-19 og áframhaldandi vinnu við að skoða sameiningu við önnur félög á landsbyggðinni í samræmi við ályktun síðasta aðalfundar.

Eftir aðalfund í nóvember 2020 ákvað stjórn F.O.S.Vest að halda áfram sameiningarviðræðum við Starfsmannafélag Dala og Snæfellsnessýslu (SDS). SDS sleit sameiningarviðræðum í desember 2020.  Verið er að leita nýrra möguleika á sameiningu við önnur landsbyggðarfélög með það að leiðarljósi að hagur félagsmanna F.O.S.Vest verði sem best tryggður til framtíðar. Líklegt er að ég geti flutt ykkur nánari tíðindi af þeim vettvangi fyrr en síðar.

Þó að margt hafi áunnist undanfarin ár til að bæta kjör félagsmanna F.O.S.Vest þá er ljóst að við þurfum að berjast áfram fyrir betri lífskjörum og festa í sessi það sem þegar hefur áunnist. Þetta gerum við með samstöðu heima fyrir og með öðrum BSRB félögum.