Starfsendurhæfing Vestfjarða

Starfsendurhæfing Vestfjarða tók til starfa 01.janúar s.l. og er starfsemin til húsa í Vestrahúsinu, Árnagötu 2-4 Ísafirði. Starfsendurhæfing Vestfjarða er sjálfseignarstofnun og hefur það að markmiði að veita einstaklingum á Vestfjörðum endurhæfingu til atvinnuþáttöku í heimabyggð og auka þannig lífsgæði þeirra og fjölskyldna þeirra.

Markhópur starfsendurhæfingar eru einstaklingar með örorku eða endurhæfingarlífeyri frá Tryggingastofnun ríkisins, eða einstaklingar sem njóta bóta frá lífeyrissjóðum, Vinnumálastofnun eða sveitarfélögum.

 

í endurhæfingunni verður lögð áhersla á einstaklingsbundin úrræði sem miðast að því, að efla fólk til sjálfshjálpar eftir þörfum hvers og eins, meðal annars með menntun og fræðslu, fjármálaráðgjöf, sálfræðistuðningi, líkamsþjálfun o.fl. Þjónustan mun einnig fela í sér að undibúa einstaklinginn fyrir vinnu, greina atvinnutækifæri hans, aðstoða hann við atvinnuleit og gerð atvinnuumsókna og tímabundinn stuðning á vinnustað ef með þarf.

Starfsendurhæfing Vestfjarða var stofnuð í september 2008 af 21 stofnaðila. Innan þess hóps eru öll sveitarfélög á Vestfjörðum, heilbrigðisstofnanir, Háskólasetur Vestfjarða, Fræðslumiðstöð Vestfjarða, Lífeyrissjóður Vestfirðinga, stéttarfélög, Fjórðungssamband Vestfirðinga, Vinnumálastofnun á Vestfjörðum og Fjölmenningasetur.

Forstöðumaður stofnunarinnar er Harpa Lind Kristjánsdóttir, iðjuþjálfi.

 

Byrjað er að taka við umsóknum um þáttöku í verkefninu og stefnt er að því að fyrsta námskeið fari af stað í byrjun mars.

Forstöðumaður Starfsendurhæfingar Vestfjarða svarar fyrirspurnum og tekur á móti umsóknum þáttakenda um starfsendurhæfingu á skrifstofu stofnunarinnar að Árnagötu 2-4 á Ísafirði, í síma 450-3070 eða á sev@sev.is

Umsóknareyðublöð er að finna á heimasíðu stofnunarinnar: www.sev.is